خیبر ایجنسی، کالعدم لشکر اسلام کے مرکز پر خودکش حملہ، 13شدت پسند ہلاک

اسلام ٹائمز۔ خیبر ایجنسی کی وادی تیراہ میں کالعدم لشکر اسلام کے مرکز پر خودکش حملہ میں 13 شدت پسند ہلاک جبکہ تین زخمی ہو گئے، مقامی ذرائع کے مطابق تیراہ کے دور افتادہ علاقہ سنڈال پال میں کالعدم لشکر اسلام کے مرکز کے قریب خودکش حملہ آور نے خود کو دھماکہ خیز مواد سے اڑا دیا، جس کے نتیجے میں کالعدم لشکر اسلام کے 13 شدت پسند موقع پر ہلاک ہو گئے، جبکہ تین شدید زخمی ہوئے، مرنے والوں میں تین افراد کی لاشیں سوخ جبکہ آٹھ لاشیں شاڈل پہنچا دی گئی ہیں، دھماکے میں زخمی ہونے والے تین افراد کو طبی امداد کی غرض سے ہسپتال منتقل کر دیا گیا، دوسری جانب ایک نجی ٹی وی چینل کے مطابق تحریک طالبان پاکستان نے دھماکہ کی ذمہ داری قبول کر لی ہے۔