پاکستان کی سلامتی کے لئے امریکا سب سے بڑا خطرہ ہے،گیلپ سروے

اسلام آباد:تازہ ترین سروے کے مطابق ستاون فیصد پاکستانی امریکا کو ملکی سلامتی کے لئے بھارت اور طالبان سے بڑا خطرہ مانتے ہیں۔گیلیپ پاکستان کے تازہ سروے کے مطابق پاکستانی عوام کی اکثریت کا ماننا ہے کہ امریکہ ملک کے لئے بھارت اور طالبان سے بھی بڑا خطرہ ہے۔ ستاون فیصد لوگوں نے امریکہ کو سب سے بڑا خطرہ قرار دیا۔بھارت کو سب سے بڑا خطرہ قرار دینے والوں کی تعداد اٹھارہ فیصد تھی جبکہ طالبان کو گیارہ فیصد پاکستانیوں نے ملکی سلامتی کے لئے خطرہ قرار دیا۔ پاکستانیوں کی اکثریت کا خیال ہے کہ اگر امریکہ شدت پسندی کا خاتمہ چاہتا ہے تو اس کو مسئلہ کشمیر حل کرانے کے لئے بھارت پر دباؤ ڈالنا چاہیئے۔