ڈرون حملے پاکستان کی خودمختاری اور سالمیت کیخلاف ہیں، دفتر خارجہ

اسلام ٹائمز۔ دفترخارجہ کے ترجمان نے پاکستان میں ڈرون حملوں کی سختی سے مذمت کرتے ہوئے کہا ہے کہ یہ ملک کی خودمختاری اور سالمیت کے خلاف ہیں۔ ذرائع کے مطابق دفترخارجہ کے ترجمان معظم احمد خان نے کہا کہ ڈرون حملے مکمل طور پر نقصان دہ ہیں۔ یہ عالمی قوانین کی سنگین خلاف ورزی کے کیساتھ ساتھ پاکستان کی خودمختاری اور سالمیت کے خلاف ہیں۔ انہوں نے ڈرون حملوں کی سختی سے مذمت کرتے ہوئے کہا کہ ڈرون حملوں پر پاکستان کا موقف واضح ہے۔