ہنگو میں پولیس موبائل پر فائرنگ، ایک اہلکار جاں بحق

اسلام ٹائمز۔ ہنگو میں پولیس موبائل پر دہشتگردوں کی فائرنگ کے نتیجے میں ایک پولیس اہلکار جاں بحق ہو گیا۔ ذرائع کے مطابق پولیس کی گاڑی حسب معمول گشت پر مامور تھی کہ شاہو روڈ پر افطاری کے بعد دہشتگردوں نے اس پر فائرنگ کردی، جس کے نتیجے میں ایک پولیس اہلکار خان فراز موقع پر جاں بحق ہو گیا۔ ادھر تحصیل ٹل میں مسلح افراد کی فائرنگ سے ایک شخص مارا گیا۔ جبکہ ملزم فرار ہوگئے۔