اسلام ٹائمز۔ گوانتانا موبے کا حراستی و تشدد کیمپ اوباما کے پیشرو سابق امریکی صدر جارج ڈبلیو بش نے قائم کیا تھا۔ وہاں قید افراد کی تعداد سینکڑوں میں ہے، جن میں سے متعدد پر سالوں سے فردِ جرم عائد نہیں کی گئی۔ امریکہ کو اس حوالے سے انسانی حقوق کی شدید پامالی پر کڑی تنقید کا سامنا بھی ہے۔ گوانتانا موبے کے قیدیوں میں سے بیشتر کا تعلق افغانستان، پاکستان اور مشرقِ وسطیٰ سے ہے۔ وہاں قید افراد کے خلاف مقدمے ملٹری کمیشنز کی عدالت کے سامنے پیش کیے جاتے ہیں۔ باراک اوباما نے منتخب ہونے کے بعد گوانتانا موبے مرکز برائے تشدد بند کرنے کا اعلان کیا تھا، لیکن مدت صدارت ختم ہونے کو ہے لیکن یہ مرکز بند نہ ہوسکا۔