قومی سلامتی کے مشیر سرتاج عزیز آج ایران جائیں گے

اسلام ٹائمز۔ قومی سلامتی کے مشیر سرتاج عزیز آج ایران پہنچیں گے جہاں وہ ایرانی صدرحسن روحانی سمیت ایران کی اعلیٰ قیادت سے ملاقاتیں کریں گے۔ سرتاج عزیز ایرانی حکام سے ملاقاتوں میں جوہری معاہدے کے بعد کی صورت حال پر تبادلہ خیال کریں گے۔ قومی سلامتی کے مشیر تہران میں ہونے والے ای سی او کے اجلاس میں بھی شرکت کریں گے۔ عالمی طاقتوں سے ایران کے معاہدے کے بعد سرتاج عزیز پہلے غیرملکی رہنما ہیں جو ایران کا دورہ کر رہے ہیں۔ اس دورے کے دوران وہ پاک ایران گیس پائپ لائن منصوبے پر بھی تبادلہ خیال کرینگے۔