اسلام ٹائمز۔ پاکستانی وزیراعظم نواز شریف منگل کو پورٹ قاسم کراچی پر چھ سو ساٹھ میگا واٹ کے کول بجلی کے منصوبے کا افتتاح کریں گے اور یوتھ قرضہ اسکیم اور امن وامان کے حوالے سے اجلاسوں کی صدارت کریں گے۔ اطلاعات کے مطابق وزیراعظم نواز شریف برطانیہ کے دورے کے بعد آج وطن واپس پہنچیں گے اور کل چھ مئی کو کراچی کا دورہ کریں گے۔ وزیراعظم کراچی کے دورے کے دوران پورٹ قاسم پر چھ سو ساٹھ میگاواٹ کے کول بجلی کے منصوبے کا افتتاح کریں گے، ذرائع کے مطابق وزیراعظم نواز شریف کراچی میں گورنر اور وزیراعلیٰ سندھ سے بھی ملاقات کریں گے۔