پوری قوم متحد ہوکر دہشتگردی کا مقابلہ کریگی، پی ٹی آئی

اسلام ٹائمز۔ پولیس لائنز میں خود کش دھماکے کے بعد زخمیوں کی عیادت کے لیے پاکستان تحریک انصاف کے رہنماﺅن کا وفد میوء ہسپتال پہنچ گیا ہے۔ تحریک انصاف کی جانب سے عیادت کے لیے جانے والے رہنماﺅں میں چوہدری محمد سرور، جہانگیر ترین اور عبدالعلیم خان شامل تھے۔ ہسپتال میں میڈیا سے بات کرتے ہوئے تحریک انصاف کے رہنماﺅن کا کہنا تھا کہ دہشت گردی ملک کیلئے ناسور بن چکا ہے، جس کا خاتمہ از حد ضروری ہے، جبکہ پوری قوم متحد ہو کر دہشت گردی کا مقابلہ کرے گی اور ملک دشمنوں کو کیفر کردار تک پہنچائے گی۔