حکومتی خدمات کو کسی بھی سطح پر چیلنج نہیں کیا جا سکتا، ملک کرم الٰہی بندیال

اسلام ٹائمز۔ پنجاب اسمبلی کے ایم پی اے ملک کرم الٰہی بندیال نے جوہر آباد میں میڈیا سے بات کرتے ہوئے کہا ہے کہ مسلم لیگ ن کی حکومت نے اڑھائی سالوں میں معاشی و اقتصادی بحرانوں پر قابو پانے اور عوام کو مسائل کے گرداب سے نکالنے کیلئے انقلابی اقدامات اٹھائے ہیں۔ جوہرآباد میں گفتگو کرتے ہوئے حکومتی پارٹی کے ممبر صوبائی اسمبلی کا کہنا تھا کہ حکومت کی عوامی خدمات کو کسی بھی سطح پر چیلنج نہیں کیا جا سکتا، انشاء اﷲ مسلم لیگ ن کی حکومت عوام کے ساتھ کیا جانیوالا ہر وعدہ پورا کرے گی۔