ویلنٹائن ڈے کو اسلامی اقدار کیخلاف ہتھیار کے طور پر استعمال کیا جا رہا ہے، فیاض احمد

اسلام ٹائمز۔ جماعۃ الدعوۃ فیصل آباد کے ضلعی مسؤل فیاض احمد نے کہا ہے کہ مسلم معاشروں سے روحانی قدریں ختم کرنے کے لئے ویلنٹائن ڈے کو ہتھیار کے طور پر استعمال کیا جا رہا ہے۔ فیصل آباد میں میڈیا سے گفتگو کرتے ہوئے جماعۃ الدعوۃ کے ضلعی مسؤل فیاض احمد نے کہا ہے کہ مسلم معاشروں سے روحانی قدریں ختم کرنے کے لئے ویلنٹائن ڈے کو ہتھیار کے طور پر استعمال کیا جا رہا ہے۔ انہوں نے کہا کہ مسلمان بے حیائی کے سیلاب کو اپنے گھروں میں داخل ہونے سے روکیں، ویلنٹائن ڈے بدکاری اور بے حیائی کو فروغ دینے کی تحریک ہے۔ انہوں نے کہا کہ لاالہ الااﷲ کی بنیاد پر حاصل کئے گئے ملک میں مدینے کے کلچر کو عام کرنے کی ضرورت ہے۔