مسئلہ کشمیر حل کرانے کی صلاحیت صرف مسلم کانفرنس ہی رکھتی ہے، ساجد قریشی

اسلام ٹائمز۔ آزادکشمیر کے مسائل اور مسئلہ کشمیر حل کرانے کی صلاحیت صرف مسلم کانفرنس ہی رکھتی ہے، آزادکشمیر کے الیکشن میں عوام اہل امیدواروں کو کامیاب بنائیں۔ ان خیالات کا اظہار حلقہ جموں چھ سے مسلم کانفرنس کے متوقع اُمیدوار سردار ساجد قریشی نے مری میں مقیم ووٹروں سے کارنر میٹنگ میں خطاب کرتے ہوئے کیا۔ ووٹروں سے رائے لینے کے لئے پولنگ بھی کرائی گئی اور ووٹروں نے ساجد قریشی کو الیکشن لڑنے کی رائے دی اور کہا کہ وہ ضرور الیکشن میں حصہ لیں، ہم بھرپور ساتھ دیں گے۔