اسلام ٹائمز۔ وزیر داخلہ چودھری نثار نےگرفتارملزمان کی ویڈیولیک ہونے کا نوٹس لے لیا اور سندھ حکومت کو معاملے کی تحقیقات کی ہدایت کردی۔ وزارت داخلہ سے جاری بیان میں وزیرداخلہ چودھری نثار نے کہا ہے کہ گرفتار ملزمان کی ویڈیوز کی تشہیر غیرقانونی اور غیراخلاقی امر ہے۔ مقدمات کا فیصلہ میڈیا ٹرائل کے ذریعے نہیں بلکہ عدالتوں میں ہونا ہے۔ انہوں نے کہاکہ اس حوالے سے تحقیقات کیلئے سندھ حکومت کو خط بھی لکھا جا رہا ہے اور ساتھ ہی پیمرا سے بھی کہا جائے گا کہ ایسے واقعات کے سدباب کیلئے ضابطہ کار طے کیا جائے۔