جامعہ کراچی ایرانی خاتون اول کی تصنیف کی تقریب رونمائی کی میزبانی کریگی

اسلام ٹائمز۔ جامعہ کراچی اسلامی جمہوریہ ایران کے صدر ڈاکٹر سید ابراہیم رئیسی کے دورہ پاکستان کے موقع پر منگل 23 اپریل کو ایران کی خاتون اول ڈاکٹر جمیلہ علم الہدیٰ کی خصوصی تحریر کردہ کتاب ’’نسوانی زندگی کا مزہ‘‘ کی تقریب رونمائی کی میزبانی کرے گی۔ اس موقع پر سیمینار بھی ہوگا، جس سے ایران کی خاتون اول ڈاکٹر جمیلہ عالم الہدیٰ خصوصی اور جامعہ کراچی کے وائس چانسلر ڈاکٹر خالد عراقی خطاب کریں گی۔ ڈاکٹر جمیلہ علم الہدیٰ کی کتاب کا خصوصی طور پر اردو زبان میں ترجمہ کیا گیا ہے اور اسے جامعہ کراچی کی فیکلٹی آف اسلامک اسٹڈیز شائع کرے گی۔ جامعہ کراچی کے مطابق ایرانی خاتون اول کی کتاب کا مواد شعبہ اسلامک لرننگ میں پڑھائے جانے والے ’اسلام اور عورت‘ کے کورس کیلئے مددگار ہے۔