لاہور:
اسلام ٹائمز۔ لاہور ہائی کورٹ میں امریکی ملزم ریمنڈ ڈیوس کو کوٹ لکھپت جیل سے شاہی قلعہ منتقل کرنے کی درخواست دائر کر دی گئی۔ ہفتے کو مقامی وکیل علم دین غازی ایڈووکیٹ کی جانب سے دائر کی جانیوالی درخواست میں موقف اختیار کیا گیا ہے کہ دو پاکستانیوں کے قتل میں ملوث ریمنڈ ڈیوس کی کوٹ لکھپت جیل میں موجودگی کے باعث، جیل سے متعدد قیدیوں کو دوسری جیلوں میں منتقل کر دیا گیا ہے جبکہ قیدیوں کے مقدمات کی کارروائی بھی متاثر ہو رہی ہے۔ ریمنڈ ڈیوس سے ملنے کے لئے آنیوالے امریکی سفارتکاروں اور ملزم کے تحفظ کے لئے خصوصی اقدامات کے نتیجے میں جیل انتظامیہ کو بھی مشکلات درپیش ہیں۔