باجوڑ ایجنسی میں دھماکہ، بچہ جاں بحق جبکہ 4 افراد زخمی

اسلام ٹائمز۔ باجوڑ ایجنسی کی تحصیل ارنگ میں سڑک کنارے نصب بم پھٹنے سے ایک بچہ جاں بحق اور 3 بچوں سمیت 4 افراد زخمی ہوگئے۔ لیویز ذرائع کے مطابق دھماکہ ریموٹ کنٹرول ڈیوائس کے ذریعے کیا گیا، زخمیوں کو ڈسٹرکٹ ہیڈ کوارٹر ہسپتال تیمرگرہ منتقل کردیا گیا ہے۔ پولیٹیکل انتظامیہ اور سیکیورٹی فورسز نے علاقے کو گھیرے میں لیکر سرچ آپریشن شروع کر دیا ہے۔