کراچی، ممکنہ ہیٹ اسٹروک سے نمٹنے کی تیاریاں، اسپتالوں میں ہائی الرٹ

اسلام ٹائمز۔ صوبائی محکمہ صحت نے ممکنہ ہیٹ اسٹروک سے نمٹنے کے لئے تمام سرکاری اسپتالوں کو ہائی الرٹ کر دیا ہے۔ اس سلسلے میں ڈائریکٹر ہیلتھ سروسز کراچی و قائم مقام ڈی جی ہیلتھ سندھ ڈاکٹر محمد توفیق نے تمام سرکاری اسپتالوں کے ڈائریکٹرز و میڈیکل سپرنٹنڈنٹس کو ہدایت کی ہے کہ ممکنہ ہیٹ اسٹروک کے مریضوں کیلئے تیاری کی جائے، اسپتالوں میں ہیٹ اسٹروک ٹریٹمنٹ سینٹرز قائم کئے جائیں، الگ بستر مختص کئے جائیں، عملے کو تعینات کیا جائے اور ادویات فراہم کرنے کے ساتھ ہیٹ اسٹروک کرائسز مینجمنٹ پلان آئندہ 24 گھنٹوں میں فراہم کیا جائے۔