مردان، نان کسٹم پیڈ گاڑیوں کی اسمگلنگ کے الزام میں سی ٹی ڈی ایس ایچ او سمیت 3 اہلکار گرفتار

اسلام ٹائمز۔ ڈی پی او مردان ڈاکٹر میاں سعید احمد کی جانب سے جاری کردہ پریس ریلیز میں کہا گیا ہے کہ مردان پولیس نے نان کسٹم پیڈ گاڑیوں کی اسمگلنگ اور کرپشن کے الزام میں تھانہ سی ٹی ڈی کے ایس ایچ او اور دیگر 2 اہلکاروں کو حراست میں لے لیا ہے۔ سی ٹی ڈی کے ایس ایچ او نیاز حسین خان، ان کے ڈرائیور اور گن مین کے خلاف نان کسٹم پیڈ گاڑیوں کی اسمگلنگ اور کرپشن شکایات موصول ہو رہی تھیں، جس پر ان کی نگرانی شروع کر دی گئی، تاہم گذشتہ روز تینوں اہلکاروں کو جرم میں ملوث پا کر گرفتار کر لیا گیا ہے۔