کشمیریوں کی پاکستان سے رشتے کی بنیاد کلمہ طیبہ ہے، راجہ ظفرالحق

اسلام ٹائمز۔ سینیٹ میں قائد حزب اختلاف راجہ ظفر الحق نے کہا ہے کہ کشمیریوں کی پاکستان سے رشتے کی بنیاد کلمہ طیبہ ہے، جو لوگ کہتے ہیں کہ مقبوضہ کشمیر کے عوام انڈیا کے زیرانتظام خوش ہیں تو انہیں 10 دنوں کے لئے مقبوضہ وادی میں بھیجا جائے وہ ایک دن بھی حالات کا مقابلہ نہیں کر سکیں گے، غیور کشمیریوں کی ہمت ہے کہ 70 سالوں سے آزادی کی جدوجہد کر رہے ہیں۔ ان خیالات کا اظہار انہوں نے سردار زاہد عباسی کی یاد میں تعزیتی ریفرنس سے خطاب کرتے ہوئے کیا، جس سے سابق وزیراعظم آزادکشمیر سردار عتیق احمد اور دیگر نے بھی خطاب کیا۔