اسلام ٹائمز۔ اسپیکر خیبر پختونخوا اسمبلی مشتاق غنی نے بھی ڈالرز بائیکاٹ مہم کا حصہ بن کر سوشل میڈیا پر مہم شروع کر دی ہے۔ ڈالر کی اڑان کے بعد سوشل میڈیا پر ڈالرز سے بائیکاٹ کی مہم شروع کر دی گئی ہے۔ اس مہم میں اسپیکر خیبر پختونخوا اسمبلی مشتاق غنی بھی شامل ہوگئے ہیں جنہوں نے اپنے سوشل میڈیا اکاؤنٹ پر ڈالر بائیکاٹ کی مہم شروع کر دی ہے۔ اپنے پیغام میں اسپیکر اسمبلی نے کہا ہے کہ بائیکاٹ کا مقصد ڈالرائزیشن سے پاکستانی کرنسی اور ملکی معیشت کو تباہ کن اثرات سے بچانا ہے، پاکستانی ڈالر خریدنے اور اسے جمع کرنے سے اجتناب کریں، ڈالر کی قیمت میں اضافے پر سوشل میڈیا پر بائیکاٹ مہم تیزی سے جاری ہے جس میں کافی دلچسپی لی جارہی ہے۔