کل جو کچھ ہوا وہ پہلے سے طے شدہ ریاستی تشدد تھا، بختاور بھٹو

اسلام ٹائمز۔ سابق وزیراعظم بے نظیر بھٹو کی صاحبزادی بختاور بھٹو زرداری نے کہا ہے کہ کل جو کچھ ہوا، وہ پہلے سے طے شدہ ریاستی تشدد تھا، سلیکٹڈ حکومت پر تمام شہریوں کی ذمہ داری عائد ہوتی ہے۔ بختاور بھٹو زرداری نے سماجی رابطے کی ویب سائٹ ٹوئٹر پر اپنے پیغام میں کہا کہ کل ورکرز پر حملے کے بعد دکھاوے کی سہی مذمت کی توقع تھی، ہیومن رائٹس کی وزیر کو فوری استعفیٰ دینا چاہیے، سلیکٹڈحکومت پر تمام شہریوں کی ذمہ داری عائد ہوتی ہے، کل اسلام آباد میں جو کچھ ہوا، وہ پہلے سے طے شدہ ریاستی تشدد تھا۔