اسلام ٹائمز۔ اصغریہ اسٹوڈنٹس آرگنائزیشن پاکستان کے زیر اہتمام سندھ کے مختلف اضلاع اور ڈویژنز میں ورکنگ کونسل کے اراکین کی تربیت کیلئے ورکشاپ کا انعقاد کیا گیا، جس میں ڈویژنل اور ضلعی کابینہ کے اراکین کی تنظیمی تربیت کی گئی۔ ورکشاپس حیدرآباد، نوابشاہ، میرپورخاص، بدین، سکھر، خیرپورمیرس، لاڑکانہ ڈویژنز، سندھ یونیورسٹی، مہران یونیورسٹی، سندھ زرعی یونیورسٹی ٹنڈوجام، قائدعوام یونیورسٹی یونٹ میں ہوئیں۔ ورکشاپس میں ٹیم ورک، فیصلہ سازی، مؤثر پلاننگ، فنانس اور ریکارڈ کیپنگ، مؤثر کمیونیکیشن و دیگر موضوعات پر تنظیمی سینئیرز نے دروس دیئے۔