اسرائیل میں کرونا کا وسیع پھیلاؤ، 1500 لوگوں کو الگ کر دیا گیا

اسلام ٹائمز۔ غاصب صیہونی رژیم اسرائیل کی وزارت صحت نے اعلان کیا ہے کہ 1 ہزار 500 اسرائیلیوں کو انکے اندر کرونا وائرس کی علامات پائے جانے کی وجہ سے الگ تھلگ کر دیا گیا ہے۔ اس اعلان کے مطابق باہر سے اسرائیل آنے والے 1 ہزار لوگوں کا معائنہ بھی کیا گیا ہے۔ رپورٹ کے مطابق اسرائیلی وزارت صحت نے اعلان کیا ہے کہ اٹلی سے آنے والے ہر مسافر کو 14 دن تک زیر نگرانی (Qurantine) رکھا جائے گا۔ دوسری طرف اسرائیلی حکومت نے اٹلی سے آنے والی براہ راست پروازوں پر پابندی بھی عائد کر دی ہے تاہم قبل ازیں اسرائیل کی طرف سے جاری شدہ بیانات میں صرف 3 افراد کے کرونا وائرس میں مبتلا ہونے کی خبر دی گئی تھی۔