اسلام ٹائمز۔ آزادکشمیر کی حکومت نے کورونا وائرس کی صورتِ حال کے پیش نظر ہیلتھ ایمرجنسی نافذ کرنے کا اعلان کر دیا ہے۔وزیراعظم آزادکشمیر راجہ فاروق خان کی زیرصدارت اجلاس میں ہیلتھ ایمرجنسی نافذ کرنے کا فیصلہ کیا گیا۔ ہیلتھ ایمرجنسی کے تحت آزادکشمیر میں آج سے شروع ہونے والے امتحانات بھی ملتوی کر دیے گئے ہیں۔ آزادکشمیر میں تمام تعلیمی ادارے 5 اپریل تک بند رکھے جائیں گے جبکہ اجلاس میں آزادکشمیر کے ہر ضلع میں قرنطینہ سینٹر اور آزادکشمیر میں داخلے کے 11 انٹری پوائنٹس پر اسکریننگ کو بہتر کرنے کا فیصلہ بھی کیا گیا ہے۔