اسلام ٹائمز۔ بھارت اور چین کے درمیان لداخ میں فوجی تعطل دور کرنے کے لئے سفارتی بات چیت میں اختلافات کو پُرامن طور دور کرنے پر اتفاق ہوا ہے۔ ویڈیو کانفرنس میں وزارت خارجہ کے مشرقی ایشیاء کے جوائنٹ سیکریٹری نوین سری واستو اور چینی وزارت خارجہ کے ڈائریکٹر جنرل ووجیانگ ہو نے شرکت کی۔ وزارت خارجہ نے فوجی تعطل کا براہ راست حوالہ دیئے بغیر کہا کہ دونوں اطراف نے باہمی تعلقات کا جائزہ لیا۔ دونوں اطراف نے اس بات پر اتفاق کیا کہ چین اور بھارت کے درمیان پرامن اور مستحکم تعلقات موجودہ عالمی صورتحال میں ایک مثبت اقدام ہوں گے۔