اسلام ٹائمز۔ شہر قائد میں اسپتالوں کی انسپیکشن اور مانیٹرنگ کے آفس کا عملہ کورونا سے متاثر ہوگیا۔ ذرائع محکمہ صحت کے مطابق ایف ٹی سی بلڈنگ میں قائم سندھ ہیلتھ کیئر کمیشن کا مرکزی دفتر کورونا پھیل جانے کے سبب بند کر دیا گیا ہے۔ صوبائی محکمہ صحت کے ذرائع کے مطابق اب تک ہیلتھ کیئر کمیشن کے 16 افراد میں کورونا کی تصدیق ہوئی ہے، متاثرہ افراد میں افسران سے لیکر نائب قاصد تک شامل ہیں۔ ذرائع محکمہ صحت کے مطابق جراثم کش اسپرے کے بعد دفتر دوبارہ کھولا جائے گا۔