آئی ایم ایف کے ساتھ 6ارب ڈالر کے پروگرام کو بحال کرنے کا فیصلہ

اسلام ٹائمز۔ وفاقی حکومت کی جانب سے نئے مالی سال 2020-21 میں آئی ایم ایف کے ساتھ 6ارب ڈالر کے پروگرام کو بحال کرنے کا فیصلہ کر لیا گیا ہے، تاہم پاکستان نے کورونا وائرس پر اخراجات کو بجٹ خسارے کا حصہ نہ بنانے اور بجٹ اقدامات پر عملدرآمد میں سہ ماہی اہداف کو حاصل کرنے میں نرمی کی درخواست کی ہے۔ کورونا کی وبا کے پھیلاؤ کے بعد پہلی بار پاکستان اور آئی ایم ایف کے درمیان باضابطہ مذاکرات کا دور ہوا، جس میں آئی ایم ایف کی کنٹری نمائندہ ماریا ٹریسا دبان اور آئی ایم ایف کے دیگر حکام نے واشنگٹن سے ویڈیو کانفرنس کے ذریعے شرکت کی۔ ٹیکنیکل مذاکرات کی یہ رپورٹ آئی ایم ایف ایگزیکٹو بورڈ کے آئندہ اجلاس میں پیش کی جائے گی جس کی منظوری کے بعد پاکستان کو 450ملین ڈالر کی نئی قسط جاری کرنے کی منظوری دی جائے گی۔