کرم میں زکوۃ و عشر کیجانب سے مستحقین میں امدادی چیکس تقسیم

اسلام ٹائمز۔ ضلع کرم میں زکوۃ و عشر کی جانب سے مستحقین میں اڑھائی کروڑ سے زائد روپے کے چیکس تقسیم کئے گئے، ڈپٹی کمشنر ضلع کرم ڈاکٹر آفاق وزیر اور ایم پی اے سید اقبال میاں نے چیک تقسیم کئے۔ گورنر کاٹیج پاراچنار میں چیک تقسیم کرنے کیلئے تقریب کا انعقاد کیا گیا۔ اس موقع پر منعقدہ تقریب سے خطاب کرتے ہوئے ڈپٹی کمشنر ڈاکٹر آفاق وزیر اور ایم پی اے سید اقبال میاں نے مستحقین کی امداد پر زکوۃ کمیٹی کا شکریہ ادا اور کہا کہ اس سے ضرورت مندوں کی بہتر طریقے سے امداد ہو سکے گی۔ تقریب سے خطاب کرتے ہوئے ڈسٹرکٹ زکوۃ چئیرمین حاجی رحیم، ڈسٹرکٹ زکوۃ آفیسر محمد اقبال، اسسٹنٹ زکوۃ آفیسر مشرف حسین نے کہا کہ مستحقین کی امداد آئندہ بھی جاری رکھی جائے گی۔