اسلام ٹائمز۔ امریکا اور کینیڈا میں کورونا ویکسین کا استعمال شروع ہو گیا ہے۔ امریکا میں فائزر اور بائیو این ٹیک کی کورونا ویکسین لگائی جا رہی ہے۔امریکی فوڈ اینڈ ڈرگ ایڈمنسٹریشن، ایف ڈی اے نے کورونا وائرس ویکسین کے استعمال کی منظوری دی تھی۔ ادھر لندن میں کورونا کے کیسز بڑھنے سے روکنے کیلئے بدھ سے سخت پابندیاں نافذ کر دی جائیں گی۔ نیدر لینڈز میں کورونا کیسز میں اضافے کے بعد آج سے لاک ڈاؤن نافذ کر دیا گیا جبکہ بیلجیئم اور جرمنی میں بھی لاک ڈاؤن ہے۔ بیلجیئم میں کرسمس کی روایتی تقریبات پر مکمل پابندی لگا دی گئی ہے۔ دوسری جانب کیسز بڑھنے پر جنوبی کوریا نے آج سے اسکول بند کرنے کا اعلان کیا ہے۔