اسلام ٹائمز۔ پاک سرزمین پارٹی مصطفیٰ کمال نے مردم شماری کے معاملے پر احتجاج کا اعلان کرتے ہوئے کہا ہے کہ ایم کیو ایم اس مسئلے پر سنجیدہ ہے تو حکومت سے علیحدہ ہوجائے۔ کراچی میں میڈیا سے گفتگو میں سربراہ پی ایس پی مصطفیٰ کمال نے کہا کہ وزیراعظم عمران خان مردم شماری پر یوٹرن لیں، اس سے پچھلے یوٹرن جائز ہوجائیں گے۔ مصطفیٰ کمال نے متحدہ قومی موومنٹ کو تنقید کا نشانہ بناتے ہوئے کہا کہ اس مسئلے پر مفاہمت نہ کی جائے اور اگر وہ سنجیدہ ہیں تو پریس کانفرنس نہیں حکومت سے علیحدگی اختیار کریں۔