ناکام سیکولر اور غلام ذہن قیادتوں کے شکنجوں سے عوام کو آزاد کرائیں گے، لیاقت بلوچ

 

لاہور میں کارکنوں سے گفتگو میں نائب امیر جماعت اسلامی کا کہنا تھا کہ پورا ملک پی ٹی آئی، پی پی پی، مسلم لیگ کی خراب حکمرانی کی وجہ سے بحرانوں سے دوچار ہے،پارٹیاں، لیڈر الگ الگ ہیں، لیکن طرز سیاست، اسلوب حکمرانی ان سب کا ایک ہی ہے۔ انہوں نے مزید کہاکہ ہماری حکومتی عہدیداروں اور اپوزیشن قیادت کے ساتھ کوئی ذاتی، مفاداتی اختلاف نہیں،قرارداد مقاصد اور آئین کی پابندی کر کے پاکستان کو مثالی، اسلامی، فلاحی، خوشحال اور مستحکم ملک بنایا جا سکتا ہے۔