اسلام ٹائمز۔ عالمی میڈیا نے خبر دی ہے کہ عراق کے جنوبی صوبے بصرہ میں قابض امریکی فوج کے 1 لاجسٹک قافلے پر بم حملہ کیا گیا ہے جس سے متعدد امریکی گاڑیاں تباہ ہو گئی ہیں۔ ایک عراقی انٹیلیجنس افسر نے ترک خبررساں ایجنسی ایناڈولو کو بتایا ہے کہ صوبہ بصرہ کی ایک شاہراہ پر گامزن امریکی فوجی قافلہ رستے میں نصب ریموٹ کنٹرول بم کا شکار ہو گیا ہے جبکہ اس حملے میں کوئی جانی نقصان نہیں ہوا۔ رپورٹ کے مطابق تاحال کسی مزاحمتی گروہ نے اس حملے کی ذمہ داری قبول نہیں کی۔