ایم پی اے نمبر پلیٹ والی گاڑی میں رکن اسمبلی نہ ہوئے تو گاڑی بند کرنے کا فیصلہ

اسلام ٹائمز۔ کوئٹہ میں سرکاری نمبر پلیٹ اور نمبر پلیٹ پر ایم پی اے لکھنے والوں کی تعداد میں مسلسل اضافہ ہو رہا ہے۔ اکثر دیکھا گیا ہے کہ ایسی گاڑیاں ان لوگوں کے پاس ہیں، جو خود نہ کسی سرکاری عہدے پر فائز ہیں اور نہ ہی رکن صوبائی اسمبلی ہیں۔ ان چیزوں کو مدنظر رکھتے ہوئے شہر میں ایس ایس پی ٹریفک کی جانب سے فیصلہ کیا گیا ہے کہ مذکور گاڑیوں کی سختی سے چیکنگ کی جائے اور اگر سرکاری ملازم یا ایم پی اے خود گاڑی میں موجود نہ ہو تو ان کی گاڑی بند کر دی جائے۔ تفصیلات کے مطابق ٹریفک اہلکاروں کو فیصلے پر عملدرآمد کا حکم دے دیا گیا ہے۔ اس کے علاوہ نان کسٹم پیڈ اور پراٸیویٹ گاڑیوں پر سرکاری نمبر پلیٹ لگانے والوں کے خلاف بھی کاررواٸی کی جائے گی۔