اسلام ٹائمز۔ حکومت بلوچستان کے ترجمان لیاقت شاہوانی نے وزیراعلیٰ جام کمال کی جانب سے اسپیکر اور صوبائی وزیروں کے خلاف محکمہ اینٹی کرپشن کو خط لکھنے کی خبر کی تردید کرتے ہوئے کہا ہے کہ وزیراعلیٰ بلوچستان کی جانب سے عبدالقدوس بزنجو، صالح بھوتانی، بشریٰ رند اور ظہور بلیدی کے خلاف کرپشن کی تحقیقات کے حوالے سے محکمہ اینٹی کرپشن اور سی ایم آئی ٹی کو خط لکھنے کی خبر من گھڑت اور حقائق کے برعکس ہے۔ لیاقت شاہوانی نے کہا کہ وزیراعلیٰ بلوچستان نے ایسی کوئی ہدایت نہیں دی ہے۔ حقائق کے منافی خبریں چلانا اور سنسنی پھیلانا صحافتی ضابطہ اخلاق کے خلاف ہے۔