اسلام ٹائمز۔ جماعت اسلامی سندھ حلقہ خواتین کی ناظمہ رخشندہ منیب کا کہنا ہے کہ عوام کو حقوق دلانے کی جدوجہد کرتے ہوئے شہر کراچی کی تعمیر و ترقی کیلئے آواز اٹھانا وقت کی عین ضرورت ہے، سندھ حکومت کے ظالمانہ بلدیاتی بل اور کالے قانوں کے خلاف اکیس روز سے جاری حقوق کراچی تحریک کو جس قدر خراج تحسین پیش کی جائے کم ہے۔ اپنے ایک بیان میں رخشندہ منیب نے کہا کہ حق کا ساتھ دینا مسلم ہونے کا تقاضا ہے۔ ناظمہ صوبہ سندھ نے دھرنے کے حق میں حسن اسکوائر پر کراچی کی ماؤں، بہنوں، بیٹیوں کی کثیر تعداد پر شرکاء خواتین کے جذبوں کو سراہا اور کہا کہ اتنی کثیر تعداد مین ہر عمر کی خواتین اور بچوں کی شرکت اس بات کا ثبوت ہے کہ انہوں نے بلدیاتی بل کو مسترد کر دیا ہے۔