ماسکو دہشت گردانہ حملہ، روسی حکومت اور عوام کے لئے صدر ایران کا تعزیتی پیغام

اسلام ٹائمز۔ صدر ایران نے ماسکو کے نزدیکی علاقے میں ہونے والے دہشت گردانہ حملے کی شدید مذمت اور بے گناہ افراد کی ہلاکت پر روسی صدر، حکومت و عوام کو تعزیت پیش کی ہے۔ ارنا کی رپورٹ کے مطابق صدر سید ابراہیم رئیسی نے اپنے روسی ہم منصب ولادیمیر پوتین کے نام تعزیتی پیغام میں ماسکو کے نزدیکی شہر کروکس میں ہوئے دہشت گردانہ حملے میں بے گناہ افراد کی ہلاکت پر ولادیمیر پوتین اور روسی حکومت و عوام کو تعزیت پیش کی اور اس حملے کی شدید الفاظ میں مذمت کی ہے۔صدر ایران نے روس کی قومی سلامتی کو برقرار رکھنے کی روسی حکام کی کوششوں کی حمایت کی اور اس حملے میں ملوث افراد کو سزا دینے کے لیے عالمی برادری کے سنجیدہ اقدام کا مطالبہ کیا۔