اسلام ٹائمز۔ برطانوی وزیر خارجہ بورس جانس نے اپنے دورہ پاکستان کے دوران لاہور کا بھی دورہ کیا اور سیر سپاٹا کرنے، پنجاب حکومت کی تعریفیں اور مختلف مذاہب کے رہنماؤں سے ملاقاتوں کے بعد واپس روانہ ہوگئے۔ برطانوی وزیر خارجہ نے مزار اقبال پر حاضری دی، پھولوں کی چادر چڑھائی، بادشاہی مسجد دیکھی، جہاں مختلف مذاہب کے رہنماؤں کے ساتھ ملاقات کی۔ اس کے بعد برطانوی وزیر خارجہ شاہی قلعہ گئے، جہاں انہوں نے سیلفیاں بنائیں اور مغلیہ طرز تعمیر کی تعریف کی۔
