اسلام ٹائمز۔ تحریک منہاج القرآن کے فلاحی ادارے منہاج ویلفیئر فاؤنڈیشن کی جانب سے بلوچستان کے سیلاب متاثرین میں فلڈ ریلیف پیک تقسیم کیا گیا۔ ذرائع کا کہنا ہے کہ منہاج ویلفیئر فاؤنڈیشن نے بلوچستان کے ضلع جعفرآباد میں راشن کے پیکٹس تقسیم کئے۔ جن میں خشک راشن، منرل واٹر اور ضروریات زندگی کی دیگر اشیاء شامل تھیں۔ ذرائع کے مطابق 500 سے زائد خاندانوں کو راشن اور بنیادی ضرورت کا سامان فراہم کیا گیا۔