اسحاق ڈار کے بعد نواز شریف کی واپسی کا طریقہ کار بھی طے کر لیا گیا

اسلام ٹائمز۔ مسلم لیگ نون کی قانونی ٹیم نے نواز شریف کی واپسی کی تیاری کرلی، آمد سے قبل ان کی حفاظتی ضمانت کرائی جائے گی۔ تفصیلات کے مطابق اسحاق ڈار کے بعد مسلم لیگ نون کے قائد نواز شریف کی واپسی کا طریقہ کار بھی طے کرلیا گیا ہے۔ ذرائع نے بتایا ہے کہ نون لیگ کی قانونی ٹیم نے نواز شریف کی واپسی کی تیاری کرلی، آمد سے قبل نواز شریف کی حفاظتی ضمانت کرائی جائے گی۔ ذرائع کا کہنا ہے کہ حفاظتی ضمانت کے عرصے میں نواز شریف باقاعدہ ضمانت کیلئے پیش ہوں گے اور عدالت کی جانب سے ضمانت دینے یا جیل بھیجنے کا فیصلہ ہوگا۔