گلگت بلتستان کی پانچ شخصیات کو صدارتی ایوارڈ سے نوازا گیا

اسلام ٹائمز۔ یوم پاکستان کے موقع پر گلگت بلتستان سے تعلق رکھنے والی پانچ شخصیات کو اعزازات سے نوازا گیا۔ گلگت میں گورنر سیکرٹریٹ میں منعقدہ تقریب میں گورنر جی بی سید مہدی شاہ نے اعزازات دئیے۔ تفصیلات کے مطابق ضلع گنگچھے سے تعلق رکھنے والی معروف علمی و ادبی شخصیت غلام حسین حسنو کو شعبہ ادب میں گراں قدر خدمات پر صدارتی ایوارڈ برائے حسن و کارکردگی سے نوازا گیا۔ معروف شاعر و ادیب جمشید خان دکھی مرحوم کو بھی بعد از وفات شعبہ فن، ادب اور شاعری میں گراں قدر خدمات پر صدارتی ایوارڈ برائے حسن و کارکردگی سے نوازا گیا۔ ان کا ایوارڈ انکے صاحبزادے فیضان دکھی نے وصول کیا۔