اسلام ٹائمز۔ پاکستان تحریک انصاف کے مرکزی رہنماء مفتی عبدالقوی نے کہا ہے کہ تحریک انصاف کی قیادت سرائیکی صوبے کے قیام کی مخالف نہیں ہے کیونکہ سرائیکی صوبے کا قیام وقت کی اہم ضرورت ہے، اس سے اس خطے کی محرومیوں کا ازالہ ہوگا، وہ سرائیکستان یوتھ پارلیمنٹ کے قائد ایوان رانا فراز نون سے ڈیرہ نون میں ملاقات کر رہے تھے۔ انہوں نے کہا کہ تحریک انصاف کی تمام مرکزی قیادت کا تعلق وسیب سے ہی ہے، جاوید ہاشمی، شاہ محمود قریشی، جہانگیر ترین اور خود عمران خان کا تعلق بھی سرائیکی علاقے میانوالی سے ہے۔