اسلام ٹائمز۔ قبائلی علاقہ کرم ایجنسی کے صدر مقام پارا چنار میں یوم القدس کے موقع پر بھرپور احتجاجی جلوس نکالا گیا، جس میں حکومت کی جانب سیکورٹی خدشات ظاہر کئے جانے کے باوجود ہزاروں کی تعداد میں لوگوں نے شرکت کی، اس موقع پر اسرائیل اور امریکہ کیخلاف نعرہ بازی کے علاوہ سانحہ بابوسر کیخلاف بھرپور احتجاج کیا گیا، سابق سینیٹر اور تحریک حسینی کے سربراہ علامہ سید عابد حسین الحسینی، آغا منیر، ثواب طوری اور آئی ایس او پشاور ڈویژن کے صدر ثاقب بنگش نے جلوس کے شرکاء خطاب کیا، اس موقع پر ان کا کہنا تھا کہ امام علی (ع) نے خیبر فتح کیا تھا، جبکہ آج کا خیبر سید علی خامنہ ای فتح کر رہے ہیں۔