اسلام ٹائمز۔ توہین آمیز امریکی فلم کے خلاف کوہاٹ میں جلسہ ہوا۔ مقررین کا کہنا تھا کہ امریکہ نے مسلمانوں کی دل آزاری کی مہم شروع کر رکھی ہے۔ تحریک بیداری امت مصطفٰی صلی اللہ علیہ وآلہ وسلم کی جانب سے چکر کوٹ میں جلسہ ہوا، جس میں مختلف مسالک سے تعلق رکھنے والے افراد نے شرکت کی۔ اس موقع پر مقررین نے کہا کہ امریکہ نے مسلمانوں کی دل آزاری کی مہم شروع کر رکھی ہے۔ شان مصطفٰی صلی اللہ علیہ وسلم میں گستاخی کسی صورت قبول نہیں۔ مقررین کا کہنا تھا کہ پاکستان اور عالم اسلام میں دہشت گردی کی کارروائیوں میں امریکہ کا ہاتھ ہے جسے عاشقان رسول (ص) ناکام بنا دیں گے۔ جلسے کے دوران شرکاء نے امریکہ اور اسرائیل کے خلاف نعرے بھی لگائے۔