اسلام ٹائمز۔ اسلام آباد سے اسکردو آنے والی پی آئی اے کی پرواز سے پرندہ ٹکرا گیا۔ جہاز کے پائلٹ نے ہنگامی لینڈنگ کی تاہم جہاز محفوظ رہا۔ تفصیلات کے مطابق اسلام آباد سے اسکردو آنے والی پی آئی اے کی معمول کی پرواز PK 451 جب اسکردو میں لینڈ کرنے والی تھی کہ اچانک پرندہ ٹکرا گیا۔ ذرائع کے مطابق پرندہ کے ٹکرانے سے جہاز پرواز کے قابل نہیں رہا، جبکہ پی آئی کے ذرائع کا کہنا ہے کہ جہاز سے کوئی پرندہ نہیں ٹکرایا ہے اور اچانک جہاز میں ٹیکنیکی خرابی پیدا ہوگئی ہے جسے کراچی سے انجینئرز کی آمد کے بعد دوبارہ پرواز کے قابل بنایا جاسکتا ہے۔