اسلام آباد(مانیٹرنگ ڈیسک)صدر آصف علی زرداری نے میاں شہباز شریف کی حکومت کی بحالی کے عدالتی فیصلے کا خیر مقدم کرتے ہوئے میاں شہباز شریف اور میاں نوازشریف کو مبارکباد دی۔ایوان صدر کے ترجمان فرحت اللہ بابر نے کہا ہے کہ فیصلے سے گزشتہ دنوں پیدا ہونے والی کشیدگی کا خاتمہ ہو گا۔صدر مملکت ملک کی عدالتوں اور ان کے فیصلوں کا احترام کرتے ہیں۔انہوں نے توقع ظاہر کی ہے کہ پنجاب حکومت کی بحالی کے بعد دونوں جماعتوں میں مفاہمت کا عمل فروغ پائے گا۔ وزیراعظم سید یوسف رضا گیلانی نے مسلم لیگ(ن) کے صدر میاں شہباز شریف کو پنجاب میں ان کی حکومت کی بحالی پر مبارک باد دی ہے۔ عدالت عظمیٰ نے منگل کو شہباز شریف کی نااہلی کے حوالے سے دائر کیس پر حکم امتناعی جاری کیا تھا، وزیراعظم نے میاں شہباز شریف کو ٹیلی فون کیا اور انہیں پنجاب میں ان کی حکومت کی بحال ہونے پر مبارک باد ی۔