اسلام ٹائمز۔ اسرائیل نے کہا ہے کہ چک ہیگل کا امریکی وزیر دفاع کی حیثیت سے تقرر باعث تشویش ہے۔ تفصیلات کے مطابق اسرائیلی پارلیمنٹ کے اسپیکر ریوون ریویلن نے کہا ہے کہ امریکی صدر بارک اوباما کی جانب سے چک ہیگل کی بطور وزیر دفاع تقرری ہماری تشویش کا سبب بنا ہے۔ انہوں نے کہا کہ ہیگل کی تقرری اسرائیل کو تنہا کرنے کی سازش ہے، فیصلے سے اسرائیل متاثر ہوگا، اس تقرری سے ہمیں تشویش ہے، تاہم خوف زدہ نہیں ہیں اور ہمیں پتہ ہے کہ اسرائیل کو اس معاملے سے کیسے نمٹنا ہے۔