اسلام ٹائمز۔ ذرائع کے مطابق یہ پٹواری اراضی ریکارڈ کو کمپیوٹرائزڈ کرنے کے خلاف خاموش احتجاج کررہے ہیں۔ لیکن ان کی مشکل یہ ہے کہ مکمل کر اعلیٰ حکام کے سامنے اس امر کی مخالفت بھی نہیں کرسکتے تاہم پٹواری سارا غصہ اس طرح نکال رہے ہیں کہ وہ اپنے دفاتر سے غائب رہتے ہیں۔
ذرائع کا کہنا ہے کہ بیشتر پٹواری اپنی حاضری لگا کر اپنے نائب کو یہ کہہ کر غائب ہوجاتے ہیں کہ اگر کوئی پوچھے تو کہنا کہ صاحب فیلڈ ورک میں مصروف ہیں۔ ذرائع کے مطابق پٹواریوں کی اس روش کی وجہ سے عوام کو مشکلات کا سامنا ہے اور اکثر لوگ پٹواریوں کا طویل انتظار کرکے واپس چلے جاتے ہیں۔