امریکہ داعش کے خلاف جنگ کر رہا ہے تو بوکوحرام کے خلاف کیوں نہیں کر سکتا، نائجیریا

اسلام ٹائمز۔ افریقہ کے شورش زدہ ملک نائجیریا کے صدر گڈ لک جوناتھن نے امریکا سے اپیل کی ہے کہ وہ ان کے ملک کو شدت پسند تنظیم بوکو حرام حملوں سے بچانے کیلیے عملی کردار ادا کرے۔ ایک برطانوی اخبار کے مطابق انہوں نے کہا کہ میرا ملک اس وقت سنگین مشکلات کا شکار ہے، ظاہر ہے ایسے نازک موقع پر دوستوں سے ہی مدد مانگی جاتی ہے، امریکا ہمارا دوست اور سپر پاور ہے، وہ داعش کے خلاف جنگ کر رہا ہے تو بوکوحرام کے خلاف کیوں نہیں کر سکتا۔ انہوں نے کہا کہ دونوں شدت پسند تنظیموں کا کردار بالکل یکساں ہے۔ انکا کہنا تھا کہ بوکو حرام کے سیکڑوں مسلح جنگجو ہمارے علاقوں میں گھس آئے ہیں، اب بھی امریکا سے مدد نہ مانگیں تو پھر کب مانگیں۔