عبدالحکیم، آئی ایس او اور ایم ڈبلیو ایم کی القدس ریلی، امریکہ باد کے نعرے

اسلام ٹائمز۔ امامیہ اسٹوڈنٹس آرگنائزیشن اور مجلس وحدت مسلمین کے زیراہتمام یوم القدس کے موقع پر نماز جمعہ کے بعد القدس ریلی نکالی گئی، القدس ریلی دربار گیٹ سے غوثیہ چوک عبدالحکیم تک نکالی گئی، ریلی میں بچوں، بڑوں اور بزرگوں کی کثیر تعداد نے شرکت کی، ریلی کی قیادت یونٹ صدر برادر ذیشان حیدر نے کی، ریلی کے شرکا نے مردہ بادامریکہ و اسرائیل بیت المقدس کی آذادی تک جنگ رہے گی کے پلے کارڈذ اٹھا رکھے تھے، غوثیہ چوک عبدالحکیم میں ریلی کے شرکا سے خطاب کرتے ہوئے علامہ ثقلین عباس رضی کا کہنا تھا کہ امریکہ و اسرائیل پوری دنیا میں ظلم کی پشت پناہی کرتا ہے، بیت المقدس پر بھی اسرائیل جیسے ناسور کا غاصبانہ قبضہ ہے اور وہ وقت دور نہیں جب بیت المقدس آزاد ہوگا اور اسرائیل کا ناپاک وجود اس دنیا سے ہمیشہ ہمیشہ کے لیے ختم ہو جائے گا۔ اس کے علاوہ ریلی میں علامہ حافظ جان محمد، علامہ سید اظہر رضوی، وسیم حسن ایڈووکیٹ، مختار حسین، جواد حیدر جوئیہ اور دیگر افراد نے شرکت کی، ریلی کے اختتام پر شرکاء نے امریکہ و اسرائیل کا پرچم نذر آتش کیا۔