0
Friday 10 Jun 2016 13:23

کراچی سے سیکیورٹی فورسز پر حملوں میں ملوث القاعدہ برصغیر کے 2 دہشتگرد گرفتار

کراچی سے سیکیورٹی فورسز پر حملوں میں ملوث القاعدہ برصغیر کے 2 دہشتگرد گرفتار
اسلام ٹائمز۔ شہر قائد کے علاقے گلشن اقبال سے سیکورٹی فورسز پر حملوں میں ملوث القاعدہ برصغیر کے 2 دہشتگرد مقابلے کے بعد گرفتار کر لئے گئے۔ تفصیلات کے مطابق کراچی کے علاقے گلشن اقبال 13 ڈی میں حساس ادارے کی اطلاع پر پولیس نے کارروائی کرکے مقابلے کے بعد کالعدم القاعدہ برصغیر کے 2 دہشت گردوں کو گرفتار کرلیا۔ گرفتار دہشت گردوں کی شناخت عبدالباسط رشید اور نعمان کے ناموں سے ہوئی ہے، دونوں کاتعلق پنجاب سے ہے اور دونوں اعلیٰ تعلیم یافتہ ہیں۔ پولیس حکام کا کہنا ہے کہ گرفتار دہشت گردوں نے افغانستان سے تربیت حاصل کی اور دونوں سیکورٹی فورسز پر حملوں میں ملوث ہیں۔ دہشت گردوں کے قبضے سے اینٹی ایئر کرافٹ گن، 70 راؤنڈ، 5 کلو بال بیرنگ و دیگر اسلحہ برآمد ہوا ہے۔ ذرائع کا کہنا ہے کہ دہشت گرد شہر میں بڑی تخریب کاری کرنے کا منصوبہ بنا رہے تھے۔
خبر کا کوڈ : 544670
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش