کوئٹہ:
اسلام ٹائمز۔ متحدہ لائرز فورم سے تعلق رکھنے والے دو وکلاء اپنے منشی سمیت اغواء ہو گئے۔ تفصیلات کے مطابق جمعرات کے روز متحدہ لائرز فورم سے تعلق رکھنے والے دو وکیل سلیم اختر ایڈوکیٹ اور طاہر ایڈوکیٹ اپنے منشی فرحان کے ساتھ سبی سے اپنی گاڑی میں کوئٹہ آ رہے تھے کہ نامعلوم مسلح افراد ڈھاڈر کے قریب سے ان کو اغوا کر کے اپنے ساتھ لے گئے۔ ڈھاڈر سے ملنے والی اطلاع کے مطابق گاڑی مقامی انتظامیہ نے برآمد کر لی ہے تاہم دونوں وکلاء اور منشی کے بارے میں کچھ معلوم نہیں ہو سکا۔